నిర్బంధం నుంచి సూకీ విడుదల

మయన్మార్,నవంబర్ 13: దాదాపు రెండు దశాబ్దాలుగా  నిర్బంధంలో వున్న మయన్మార్ ప్రజాస్వామ్య ఉద్యమ నేత ,నోబెల్ శాంతి బహుమతి గ్రహీత ఆంగ్ సాన్ సూకీని విడుదల చేశారు. సూకీ ఇంటి ముందు బారికేడ్లను తొలగించారు. గత ఏడాది మే 14 నుంచి జైలు జీవితంతోపాటు అమల్లో ఉన్న సూకీ తాజా గృహ నిర్బధం గడువు శనివారంతో ముగిసింది.. నిర్బంధంలో ఉన్న సూకీని కలిసేందుకు ఓ అమెరికా జాతీయుడు ప్రయత్నించాడన్న కారణంతో జుంటా ప్రభుత్వం గత ఏడాది ఆమె నిర్బంధాన్ని 18 నెలలు పొడిగించిన సంగతి తెలిసిందే.