సాలీళ్ళ ముట్టడి లో యు.ఎస్.. నగరం!

న్యూయార్క్, నవంబర్ 26; అమెరికాలోని తెన్నెస్సీ రాష్ట్ర పరిధిలోని నార్త్ మెంఫిస్ నగరాన్ని కోట్లాది సంఖ్యలో స్పైడర్ లు చుట్టుముట్టగా, వేలాది మంది ఊరు ఖాళీ చేసి వెళ్లాల్సిన పరిస్థితి ఎదురైంది. దాదాపు కిలోమీటరు పొడవైన సాలెగూడును ఈ ఎనిమిది కాళ్ల పురుగులు గంటల వ్యవధిలో నిర్మించుకోగా, మెంఫిస్ వాసులకు హారర్ సినిమా కళ్లముందు కనిపించినట్లయింది."గాలిలో, నేలపై, ఇళ్లల్లో , కారుల్లో ఎక్కడ చూసినా స్పైడర్లు కనిపించాయి అని సీఎన్ఎన్ తెలిపింది. 
అయితే, ఇలా సాలీళ్లు ఒక్కసారిగా బయటకు రావడం వల్ల ప్రమాదమేమీ లేదని నిపుణులు అంటున్నారు. ఇవన్నీ క్షేమంగా తిరిగి వెళ్లేందుకు చర్యలు చేపట్టినట్టు మెంఫిస్ జూ క్యూరేటర్ స్టీవ్ రిచెలింగ్ వెల్లడించారు. . కాగా, గత నెలలో వేలాది స్పైడర్ లు ఓహియో బ్రిడ్జిని చుట్టుముట్టగా, గత సంవత్సరంలో మిస్సోరీలోని ఓ గృహంపై సాలీళ్ల సైన్యం దాడి జరిపింది.