సినీ రచయిత గణేష్ పాత్రో మృతి ....

హైదరాబాద్‌,జనవరి 5; ప్రముఖ సినీ మాటల రచయిత గణేశ్‌పాత్రో(69) కన్నుమూశారు. గత కొంతకాలంగా అనారోగ్యంతో బాధపడుతున్న ఆయన చెన్నైలోని ఓ ప్రైవేటు ఆస్పత్రిలో చికిత్స పొందుతూ సోమవారం ఉదయం తుదిశ్వాస విడిచారు. 1945 జూన్‌ 22న విజయనగరం జిల్లా పార్వతీపురంలో ఆయన జన్మించారు. 1965లో సినీ రచయితగా తన కెరీర్‌ను ప్రారంభించారు. రుద్రవీణ, మరో చరిత్ర, ఇది కథకాదు, మయూరి, సీతరామయ్యగారి మనవరాలు, మాపల్లెలో గోపాలుడు, ప్రేమించు పెళ్లాడు, నిర్ణయం తదితర చిత్రాలకు మాటలు అందించారు. మాటల రచయితగా సీతమ్మ వాకిట్లో సిరిమల్లె చెట్టు ఆయన చివరి చిత్రం.