ఇక అసీస్ లో క్రికెట్ సంరంభం .... అడిలైడ్ చేరిన భారత జట్టు

ముంబై, నవంబర్ 22; భారత క్రికెట్ జట్టు శనివారం ఆస్త్రేలియా చేరుకుంది. ముంబై నుంచి బయల్దేరిన టీమిండియా సభ్యులు సింగపూర్ మీదుగా అడిలైడ్ చేరుకున్నారు. ఈ  పర్యటనలో భారత్ నాలుగు టెస్టుల సిరీస్ ఆడనుంది. డిసెంబర్ 14న బ్రిస్బేన్ లో తొలి టెస్టు ఆరంభంకానుంది. టెస్టు సిరీస్ ముగిశాక ఆసీస్, ఇంగ్లండ్ లతో కలసి ముక్కోణపు వన్డే సిరీస్ ఆడనుంది. ఆ వెంటనే వచ్చే ఏడాది ఫిబ్రవరి 14న ఆస్ట్రేలియాలో ప్రపంచ కప్ ఆరంభంకానుంది.  ఈ సారి భారత జట్టు సుదీర్ఘకాలం పాటు ఆస్త్రేలియా లో పర్యటించనుంది.