మళ్ళీ తగ్గిన బంగారం ధర

ముంబయి, మే 16 : బంగారం ధరలు మరోసారి తగ్గాయి. అంతర్జాతీయ మార్కెట్లో ఔన్స్‌ ధర నెల రోజుల్లో రెండోసారి 1400 డాలర్లు దిగిపోయింది. ప్రస్తుతం 1392 డాలర్లకు సమీపంలో ట్రేడవుతోంది. గత రాత్రి ఎంసీక్స్ లో 10 గ్రాముల బంగారం ధర 397 రూపాయలు నష్టపోయి 26,310 వద్ద ముగిసింది. ఈ ఉదయం మరో 150 రూపాయలు కోల్పోతూ 26,150కి సమీపంలో ట్రేడవుతోంది. గత రాత్రి కేజీ వెండి 1202 రూపాయలు కోల్పోయి 43,314 వద్ద ముగిసింది. ప్రస్తుతం డాలర్‌ ఇండెక్స్‌ 83.8కి సమీపంలో ట్రేడవుతోంది. డాలర్‌తో పోలిస్తే రూపాయి 5 పైసల దాకా లాభపడుతూ 54.72కు సమీపంలో కొనసాగుతోంది.