పీఎస్‌ఎల్‌వీ- సీ 18 కౌంట్ డౌన్ ప్రారంభం

నెల్లూరు.అక్టోబర్ 10:  : శ్రీహరికోట నుంచి  పీఎస్‌ఎల్‌వీ- సీ 18  రాకెట్  ప్రయోగానికి సోమవారం ఉదయం కౌంట్ డౌన్ ప్రారంభమైంది. ఈ కౌంట్‌డౌన్ 50 గంటల పాటు కొనసాఉతుంది. 12న  ఉదయం 11 గంటలకు పీఎస్‌ఎల్‌వీ సీ-18 ప్రయోగం జరపనున్నారు. ఈ ప్రయోగంలో ఇస్రో, ఫ్రెంచి అంతరిక్ష సంస్థ సంయుక్తంగా తయారు చేసిన మేఘా-ట్రోఫిక్స్ ఉపగ్రహంతో పాటు మరో మూడు చిన్న తరహా ఉపగ్రహాలను రోదసీలోకి పంపనున్నారు. 44.4 మీటర్లు పొడవు కలిగి 2.8 మీటర్లు వ్యాసార్థం కలిగిన పీఎస్‌ఎల్‌వీ ఉపగ్రహ వాహక నౌకను నాలుగు దశల్లో ప్రయోగించనున్నారు. ఇందులో మొదటి దశలో ప్రపంచంలో వాడే అతి పెద్ద ఘన ఇంధన బూస్టర్లు సాయంతో ప్రయోగం ప్రారంభమవుతుంది. రెండోదశలో ద్రవ ఇంధనం, మూడో దశలో ఘన ఇంధనం, నాలుగోదశలో ద్రవ ఇంధన సాయంతో వాహకనౌక పయనించి, ఉపగ్రహాలను రోదసీలోని నిర్ణీత కక్ష్యలలోకి ప్రవేశపెడుతుంది.