ఆరు రబీ పంటలకు కనీస మద్దతు ధర పెంపు

​న్యూఢిల్లీ, అక్టోబర్ 18: 2023-24 ఆర్థిక సంవత్సరానికి సంబంధించి ఆరు రబీ పంటలకు కనీస మద్దతు ధరలను పెంచుతూ మంత్రివర్గం మంగళవారం నిర్ణయం తీసుకుంది. కందుల కనీస మద్దతు ధర క్వింటాల్‌కు రూ.500 పెంచినట్లు కేంద్రమంత్రి అనురాగ్ ఠాకూర్ తెలిపారు. గోధుమలపై రూ.110 పెంచగా.. ఆవాలపై రూ.400 పెంచామని వెల్లడించారు. ప్రధాని నరేంద్ర మోదీ అధ్యక్షతన జరిగిన ఆర్థిక వ్యవహారాల కేబినెట్ కమిటీ (సీసీఈఏ) పంటలకు కనీస మద్దతు ధరను పెంపు నిర్ణయం తీసుకున్నట్లు అనురాగ్ ఠాకూర్ తెలిపారు.

పంట	పెంపు	ధర(క్వింటాలుకు)
గోధుమలు	రూ.110	రూ.2,125
ఆవాలు	రూ.400	రూ.5,450
బార్లీ	రూ.100	రూ.1,735
శనగలు	రూ.105	రూ.5,335
కందులు	రూ.500	రూ.6,000
సన్​ఫ్లవర్	రూ.209	రూ.5,650