అమెరికాలో సాధారణ స్థితికి చేరని జనజీవనం

వాషింగ్టన్‌ ,జనవరి  25; అమెరికా తూర్పు తీరాన్ని మంచు తుఫాన్‌ తీవ్రంగా ప్రభావితం చేసింది. ఈ సీజన్‌లో మంచు తుఫాన్‌లు రావడం సాధారణమయినప్పటికి  ఈ ఏడాది తుఫాన్‌ తీవ్రత చాలా ఎక్కువగా ఉండటం సమస్యలు సృష్టిస్తోంది. రోడ్డు రవాణా పూర్తిగా స్తంభించిపోయింది. తుఫాన్‌ ప్రభావం తగ్గినప్పటికీ జనజీవనం సాధారణ స్థితికి చేరుకోడానికి రెండు, మూడు రోజులు పట్టే అవకాశం ఉంది. వాషింగ్టన్‌, న్యూయార్క్‌, ఫిలడెల్పియా వంటి నగరాల్లో పాఠశాలలకు సెలవు ప్రకటించారు. పరిస్థితులు అనుకూలిస్తే మంగళవారం పాఠశాలలు తెరుస్తారు.