కడియం శ్రీహరి ప్రమాణ స్వీకారం

హైదరాబాద్,జనవరి 25: తెలంగాణ రాష్ట్ర మంత్రిగా వరంగల్ పార్లమెంట్ సభ్యుడు కడియం శ్రీహరి ప్రమాణ స్వీకారం చేశారు. కడియంతో గవర్నర్ నరసింహన్ ప్రమాణ స్వీకారం చేయించారు. ప్రమాణ స్వీకరణ కార్యక్రమంలో ముఖ్యమంత్రి కేసీఆర్‌తో పాటు మంత్రులు హరీశ్‌రావు, కేటీఆర్, లక్ష్మారెడ్డి, తలసాని శ్రీనివాస్‌యాదవ్, తుమ్మల నాగేశ్వర్‌రావు, ఈటెల రాజేందర్, పద్మారావు, డిప్యూటీ సీఎం మహమూద్ అలీ, ఇతర మంత్రులు, డిప్యూటీ స్పీకర్ పద్మా దేవేందర్ రెడ్డి ఎంపీలు కే. కేశవరావు, కవిత, వరంగల్ జిల్లాకు చెందిన ఇతర నేతలు పాల్గొన్నారు.