కె.సి.ఆర్. కొలువులో ఆరుగురు కొత్త మంత్రులు ..తుమ్మల,తలసాని కి చోటు

హైదరాబాద్,డిసెంబర్16;  తెలంగాణలో ఆరుగురు కొత్త మంత్రుల ప్రమాణ స్వీకార కార్యక్రమం రాజ్‌భవన్‌లో ఘనంగా జరిగింది. గవర్నర్‌ నరసింహన్‌ కొత్త మంత్రులు ... తుమ్మల నాగేశ్వరరావు, జూపల్లి కృష్ణారావు, తలసాని శ్రీనివాసయాదవ్‌, లక్ష్మారెడ్డి, చందూలాల్‌, ఇంద్రకరణ్‌రెడ్డిలతో ప్రమాణం చేయించారు. ముఖ్యమంత్రి కేసీఆర్‌, ఉప ముఖ్యమంత్రులు రాజయ్య, మహమూద్‌ అలీ, శాసనసభాపతి మధుసూదనాచారి, మండలి ఛైర్మన్‌ స్వామిగౌడ్‌, పలువురు మంత్రులు, ఎమ్మెల్యేలు, ఎమ్మెల్సీలు ఈ కార్యక్రమానికి హాజరై కొత్త మంత్రులకు అభినందనలు తెలిపారు.