తెలంగాణలో నెంబర్ ప్లేట్ల రీ రిజిస్టేషన్ల పై హైకోర్టు స్టే

హైదరాబాద్, సెప్టెంబర్ 22 : తెలంగాణ రాష్ట్రంలో నెంబర్ ప్లేట్ల రీ రిజిస్టేషన్ల ప్రక్రియపై సోమవారం హైకోర్టు స్టే విధించింది. తెలంగాణలో వాహనాలకు రీరిజిస్ట్రేషన్ అంశంపై దాఖలైన పిటిషన్ విచారణ సందర్భంగా రాష్ట్ర ప్రభుత్వానికి, రవాణాశాఖకు ధర్మాసనం పలు ప్రశ్నలు సంధించింది. రిజిస్టేషన్ల పేరిట పౌరులను ఎందుకు వేధిస్తున్నారని కోర్టు ప్రశ్నించింది. కొత్త చట్టాన్ని రూపొందించకుండా పాత రిజిస్టేషన్లు ఎలా మారుస్తారని ప్రశ్నించింది. తమ అనుమతి లేకుండా ఎలాంటి నిర్ణయం తీసుకోవద్దని ప్రభుత్వానికి కోర్టు స్పష్టం చేసింది. అధికారం ఉందని ఏమైనా చేయాలనుకుంటే సరికాదని హైకోర్టు ప్రభుత్వానికి చురకలంటించింది.