నార్వే తెలుగు దంపతులకు తప్పని జైలు...

ఓస్లో, డిసెంబర్ 4:  కుమారుడిని హింసించారనే ఆరోపణపై తెలుగు దంపతులు చంద్రశేఖర్‌, అనుపమ లకు నార్వేలోని ఓస్లో కోర్టు మంగళవారం శిక్షలు ఖరరు చేస్తూ తీర్పు వెలువరించింది.   చంద్రశేఖర్‌కు 18 నెలలు, అనుపమకు 15 నెలలు జైలు శిక్ష విధించారు. వారు తమ ఏడేళ్ల కుమారుడికి వారు వాతలు పెట్టినట్లు పోలీసులు ఆరోపించారు. పిల్లవాడి ఒంటిపై కాల్చిన మరకలు, మచ్చలు ఉన్నాయని, బెల్టుతో కొట్టారని ఓస్లో పోలీసు శాఖ ప్రాసిక్యూషన్ అధిపతి కుర్ట్ లిర్ ఆరోపించారు.  పిల్లవాడు పాఠశాల ఉపాధ్యాయులకు ఫిర్యాదు చేసిన తొమ్మిది నెలల తర్వాత పోలీసులు చంద్రశేఖర్‌ను అరెస్టు చేశారు.