దేశం లో కొవిడ్ రికవరీ 96.16%- 18,177 కొత్త కేసులు -217 మరణాలు

 న్యూఢిల్లీ,జనవరి 3; భారత్‌లో గత 24 గంటల్లో 9,58,125 కరొర్నా నిర్ధారణ పరీక్షలు నిర్వహించగా.. 18,177 కొత్త కేసులు వచ్చాయి. దీంతో మొత్తం కేసుల సంఖ్య 1,03,23,965కి చేరింది. ఇక కొత్తగా 20,923 మంది వైరస్ నుంచి కోలుకోవడంతో.. రికవరీల సంఖ్య 99,27310కు చేరింది. దీంతో రికవరీ రేటు 96.16 శాతానికి చేరింది.మరోవైపు గడిచిన 24 గంటల్లో 217 మంది మరణించగా.. ఇప్పటి వరకు ప్రాణాలు కోల్పోయిన వారి సంఖ్య 1,49,435కి చేరింది. ప్రస్తుతం దేశవ్యాప్తంగా క్రియాశీల కేసుల సంఖ్య 2,47,220కు తగ్గింది. మరణాల రేటు 1.45 శాతంగా కొనసాగుతోంది. కాగా బ్రిటన్‌ రకం కరోనాతో దేశంలో ఇప్పటి వరకు 29 మంది ఆస్పత్రుల్లో చేరారు.