Fast n Fact News

హైదరాబాద్,డిసెంబర్ 14: ప్రభుత్వ, ప్రైవేటు రంగ చమురు సంస్థలు పెట్రోల్ ధరలను భారీగా పెంచాయి. అన్ని చమురు కంపెనీలు లీటరు పెట్రోల్ ధరను  రూ. 2.96 పైసల మేర పెంచాయి. తాజాగా పెంచిన పెట్రోల్ రేట్లు మంగళవారం అర్ధరాత్రి నుంచి అమలులోకి వచ్చాయి.  అంతర్జాతీయ మార్కెట్‌లో క్రూడ్ ఆయిల్ బ్యారెల్ ధర 90 డాలర్లను అధిగమించడంతో చమురు కంపెనీలు ఈ నిర్ణయం తీసుకున్నాయి. గత జులైలో పెట్రోల్ ధరలపై కేంద్రం నియంత్రణలను ఎత్తివేయడంతో.. పెట్రోల్ ధరల నిర్ణయం చమురు కంపెనీల అధీనంలోకి వచ్చింది. దీంతో చమురు కంపెనీలు తమ ఇష్టం వచ్చినట్లు ధరలు పెంచుకుంటూ పోతున్నాయి. గడిచిన ఆరు నెలల్లో పెట్రోల్ ధరలు నాలుగు సార్లుగా పెరిగి మొత్తం నాలుగు రూపాయాలకు పైగా పెరిగాయి. ఇదిలా ఉండగా మరోవైపు డీజిల్ ధరను రూ. 2 పెంచే అంశంపై ఈనెల 22న మంత్రుల సాధికార బృందం భేటీ కానుంది.

                  హాంకాంగ్ సూపర్ సిరీస్‌ విజేత సైనా నెహ్వాల్ ను సత్కరిస్తున్న ముఖ్యమంత్రి కిరణ్ కుమార్ రెడ్డి

                                           ప్రాణహిత పుష్కరాలలో కె.సి.ఆర్. దంపతుల పూజలు...

హైదరాబాద్,డిసెంబర్ 14:  బందరు శాసనసభ్యుడు పేర్ని నాని ఎట్టకేలకు తాను కాంగ్రెసు పార్టీని వీడనని ప్రకటించారు.  మంగళవారం ముఖ్యమంత్రి కిరణ్ కుమార్ రెడ్డితో భేటీ అనంతరం నాని  తాను పార్టీని వీడనని ప్రకటించారు. 2014 వరకు కాంగ్రెసు శాసనసభ్యునిగానే కొనసాగుతానని స్పష్టం చేశారు. ఒక శాసనసభ్యునిగా నియోజకవర్గానికి ఎవరు వచ్చినా కలుస్తానని చెప్పారు. చంద్రబాబునాయుడు వచ్చినా తనను కలుస్తానన్నారు. జేపి వచ్చినప్పుడు కూడా కలిశానన్నారు. తనకు ముఖ్యమంత్రి ఎలాంటి ఆశ చూపలేదన్నారు.  జగన్ తలపెట్టిన నిరాహార దీక్షలో పాల్గొనని చెప్పారు. ముఖ్యమంత్రి కలవమంటే కలిశానన్నారు. పార్టీని వీడతానని తాను ఎప్పుడు చెప్పలేదన్నారు. కాగా, రాజకీయాల్లో ఆవేశాలతో నిర్ణయాలు తీసుకోవద్దని, కేరీర్ ను పాడు చేసుకోవద్దని కిరణ్ కుమార్ రెడ్డి ఆయనకు హితబోథ చేసినట్టు తెలిసింది.

హైదరాబాద్,డిసెంబర్ 14: విద్యార్థులపై కేసులు ఎత్తివేయాలని ఆందోళన చేస్తూ పోడియం వద్దకు వచ్చిన 9 మంది టిఆర్ఎస్ సభ్యులను ఉదయం శాసనసభ సమావేశాల నుంచి ఉపసభాపతి నాదెండ్ల మనోహర్ సస్పెండ్ చేశారు. విద్యార్థులపై పెట్టిన కేసులను ఒక్కొక్కటిగా పరిశీలించి, అంత తీవ్రంగా లేనివాటిని, వెసులుబాటు కల్పించే అవకాశం ఉన్న కేసులను ఎత్తివేస్తామని హోం మంత్రి సబితా ఇంద్రారెడ్డి నచ్చచెప్పారు. అయినప్పటికీ టిఆర్ఎస్ సభ్యులు వినలేదు. పోడియం వద్దకు వచ్చి నినాదాలు చేశారు. దాంతో ఆందోళన చేస్తున్న టిఆర్ఎస్ సభ్యులను సస్పెండ్ చేయాలని మంత్రి రఘువీరా రెడ్డి సభలో తీర్మానం ప్రవేశం పెట్టారు. మంత్రి ప్రవేశపెట్టిన తీర్మానాన్ని ఆమోదిస్తూ, ఉదయం సమావేశం నుంచి వారిని సస్పెండ్ చేశారు. విద్యార్థులపై కేసులు ఎత్తివేయనందుకు నిరసనగా శాసనసభ నుంచి తెలుగుదేశం పార్టీ, సిపిఐ, బిజెపి సభ్యులు వాకౌట్ చేశారు. ఇక సాయంత్రం సమావేశాల నుంచి  టీడీపీ ఎమ్మెల్యేలు సస్పెండ్ అయ్యారు. చంద్రబాబు సహా టీడీపీ సభ్యులను ఈ సాయంత్రం సమావేశాల నుంచి సస్పెండ్ చేస్తున్నట్టు డిప్యూటీ స్పీకర్ నాదెండ్ల మనోహర్ ప్రకటించారు. పావుగంట వాయిదా తర్వాత శాసనసభ సాయంత్రం తిరిగి ప్రారం...

                  పార్లమెంట్ పై దాడి  మ్రుతులకు నివాళులర్పించిన సందర్భంగా ఒకరికొకరు ఎదురుపడిన                                           ప్రధాని మన్మోహన్,ప్రతిపక్ష బి.జె.పి. అగ్ర నేత అద్వాని...  

న్యూఢిల్లీ,డిసెంబర్ 13: అమెరికాలోని మన రాయబారి మీరాశంకర్‌కు అక్కడి ఒక విమానాశ్రయంలో జరిగిన అవమానం మరిచిపోక ముందే మరో భారతీయ దౌత్యాధికారి ఆ దేశంలో అవమానం పాలైన సంఘటన వెలుగుచూసింది. ఐక్యరాజ్యసమితిలో భారత శాశ్వత ప్రతినిధిగా పనిచేస్తున్న హర్‌దీప్ పురిని భద్రతా తనిఖీల సందర్భంగా తలపై టర్బన్ తొలగించాలని రెండు వారాల క్రితం హూస్టన్ ఎయిర్‌పోర్టు అధికారులు ఒత్తిడి చేశారు. పురి తిరస్కరించడంతో భద్రతాధికారులు అరగంటకు పైగా ఆయన్ను వెయిటింగ్ రూమ్‌లో నిరీక్షింపజేశారు. పురితో పాటు ఉన్న ట్రాన్స్‌పోర్టేషన్  సెక్యూరిటీ అడ్మినిస్ట్రేషన్  అధికారి ఒకరు జోక్యం చేసుకున్న తర్వాతే ఈ సమస్య పరిష్కారమైంది. ఈ సంఘటనపై భారత్ హూస్టన్‌లోని మన కాన్సులేట్ జనరల్ ద్వారా అమెరికా అధికారులకు తీవ్ర నిరసన తెలియజేసింది. 

హైదరాబాద్: విక్టరీ వెంకటేష్‌ కు సోమవారంతో 50 యేళ్ళు నిండాయి. అభిమానులు ఆయన పుట్టిన రోజు వేడుకలను ఘనంగా నిర్వహించారు. వెంకటేష్ అమెరికాలోని మాంటెర్రీ విశ్వవిద్యాలయం లో ఎం.బి.ఏ చదివిన వెంకటేష్‌ సినిమా నటనకే ప్రాథాన్యమిచ్చాడు. 1986 లో కలియుగ పాండవులు చిత్రంతో సినీరంగ ప్రవేశం చేశారు. చంటి, కలిసుందాం రా, సుందరకాండ, రాజా, బొబ్బిలిరాజా,కూలీ నంబర్-1, ప్రేమించుకుందాం రా, పవిత్రబంధం,స్వర్ణకమలం, శ్రీనివాసకళ్యాణం, సూర్యవంశం, లక్ష్మి, ఆడవారి మాటలకు అర్ధాలే వేరులే,మొదలైన సినిమాలు ఆయనకు బాగా పేరు తెచ్చి పెట్టాయి. ఇప్పటి వరకు దాదాపు 60 సినిమాలలో నటించిన వెంకీ 7 నంది అవార్డులు గెలుచుకున్నాడు.హీరోయిన్స్ ఫరా, టబు, దివ్యభారతి, గౌతమి, ప్ర్రేమ, ఆర్తీ అగర్వాల్, ప్రీతి జింతా, కత్రినా కైఫ్, అంజలా జవేరి మొదలగు వారిని వెంకటేష్ తెలుగులో పరిచయం చేసారు. సౌందర్యతో వెంకటేష్ ది హిట్ పెయిర్. సౌందర్య తో ఆయన ఏడు సినిమాలు చేసారు. మీనా తో నాలుగు సినిమాలు చేసారు. ఆర్తీ అగర్వాల్ తో మూడు సినిమాలు చేసారు. ప్రేమ, ధర్మచక్రం, చంటి, స్వర్ణకమల0, గణేష్, కలిసుందాం రా, ఆడవారి మాటలకు అర్ధాలే వేరులే సినిమాలు వెంకటేష్ కు నంది అవార్డులను అ...

న్యూఢిల్లీ,డిసెంబర్ 13: వ్యర్థమైన శీతాకాల సమావేశాలతో పార్లమెంట్ ఉభయ సభలు సోమవారం నిరవథికంగా వాయిదా పడ్డాయి. 2 జి. స్పెక్ట్రం కుంభకోణం పై సం యుక్త పార్లమెంటరీ కమిటీ ని నియమించాలని విపక్షాలు  23 రోజులపాటు  స్తంభింప చేయడంతో ఈ సమావేశాలు నిరర్థకమే అయ్యాయి. వాయిదాల మీద వాయిదాలతో సాగుతున్న సమావేశాలు సోమవారం కూడా అదే రీతిలో నిరవధికంగా వాయిదాపడ్డాయి. 2జీ స్పెక్ట్రమ్ కుంభకోణంపై సంయుక్త పార్లమెంటరీ కమిటీ (జేపీసీ) దర్యాప్తు కోసం ప్రతిపక్షాల డిమాండ్, దానికి ప్రభుత్వ నిరాకరణ నేపథ్యంగా.. సమావేశం తొలి రోజున మొదలైన ప్రతిష్టంభన చివరి వరకూ కొనసాగింది. దీంతో ఎలాంటి ముఖ్యమైన చర్చలు, కార్యక్రమాలు జరగకుండా శీతాకాల సమావేశాలు మొత్తం తుడిచిపెట్టుకుపోయాయి. భారత పార్లమెంటు చరిత్రలో ఇలా జరగటం ఇదే తొలిసారి.  ఈ సమావేశాల కోసం  146 కోట్ల రూపాయల ప్రజాధనం వృథా అయినట్టు  అంచనా. 2008లో జరిగిన స్పెక్ట్రమ్ కేటాయింపుల వల్ల ప్రభుత్వానికి రూ. 1.76 లక్షల కోట్ల మేర ఆదాయ నష్టం వాటిల్లిందంటూ కాగ్ ఇచ్చిన నివేదికను నవంబర్ 16న పార్లమెంటులో ప్రవేశపెట్టడం.. ప్రతిపక్షాలకు ఆయుధంగా మారింది. టె...

బెంగళూరు,డిసెంబర్ 13: కర్ణాటక మాజీ ముఖ్యమంత్రి ఎస్ బంగారప్ప కాంగ్రెస్ పార్టీకి రాజీనామా చేశారు. కాంగ్రెస్ పార్టీని వీడుతున్నట్టు సోమవారం ఆయన స్వయంగా ప్రకటించారు. మాజీ ప్రధాని హెచ్‌డీ దేవెగౌడ్ నేతృత్వంలోని జేడీఎస్ పార్టీలో చేరుతున్నట్టు ఆయన చెప్పారు. కాంగ్రెస్ పార్టీ నుంచి బయటకు రావడానికి గల కారణాలను వివరించేందుకు ఆయన నిరాకరించారు. బంగారప్ప, దేవెగౌడ్ సంయుక్తంగా బుధవారం విలేకరుల సమావేశం నిర్వహించే అవకాశం ఉందని జేడీఎస్ వర్గాలు తెలిపాయి.

విజయవాడ,డిసెంబర్ 13 :దివంగత నేత డాక్టర్ వైఎస్ రాజశేఖర రెడ్డి ఇచ్చిన హామీలను ఈ ప్రభుత్వం గాలికి వదిలివేసిందని మాజీ ఎంపి వైఎస్ జగన్మోహన రెడ్డి విమర్శించారు. మచిలీపట్నం కోనేరు సెంటర్లో బహిరంగ సభలో ఆయన ప్రపంగించారు. 9 గంటల పాటు విద్యుత్ ఇస్తామని రాజశేఖర రెడ్డి ఇచ్చిన మాటను ఈ కాంగ్రెస్ పార్టీ గాలికి వదిలేసిందన్నారు. రైతుల సమస్యలు పరిష్కరించకపోతే ఈ నెల 21, 22 తేదీలలో విజయవాడలో 48 గంటలపాటు నిరాహాకర దీక్ష చేస్తానని ప్రభుత్వాన్ని జగన్ హెచ్చరించారు. స్థానిక ఎమ్మెల్యే పేర్ని నాని మాట్లాడుతూ ,ఆనాడు దివంగత వైఎస్ఆర్ బందరు పర్యటనను గుర్తు చేశరు. ఆ మహానేత బందరుకు ఎంతో మేలు చేశారని చెప్పారు.

హైదరాబాద్ ,డిసెంబర్ 13 :   రైతు సమస్యలపై శాసనసభ ఎదురుగా రోడ్డుపై బైఠాయించిన తెలుగుదేశం పార్టీ అధ్యక్షుడు నారా చంద్రబాబునాయుడు ను సోమవారం మధ్యాహ్నం పోలీసులు అరెస్టు చేశారు. రైతుల అఖిలపక్ష నేతలను శాసనసభలోపలికి అనుమతించకపోవడంపై చంద్రబాబు తీవ్ర ఆగ్రహం వ్యక్తం చేస్తూ తమ పార్టీ నేతలతో సహా రోడ్డుపై బైఠాయించారు. దీంతో తీవ్ర ఉద్రిక్తత నెలకొంది. దాదాపు మూడు గంటల పాటు ఆయన రోడ్డుపై బైఠాయించి నిరసన తెలిపారు. అరెస్టు చేసిన రైతు పక్ష నేతలను విడుదల చేయాలని ఆయన డిమాండ్ చేశారు. చంద్రబాబుతో సెంట్రల్ జోన్ డిసిపి మాట్లాడారు. అయినా చంద్రబాబు వినలేదు. దీంతో ఆయనను పోలీసులు అరెస్టు చేశారు.చంద్రబాబును అరెస్టు చేయడానికి ప్రయత్నించిన పోలీసులను అడ్డుకోవడానికి తెలుగుదేశం నాయకులు, కార్యకర్తలు ప్రయత్నించారు. దీంతో అక్కడ మరింత ఉద్రిక్తత చోటు చేసుకుంది. అరెస్టు చేసిన చంద్రబాబును, తెలుగుదేశం నాయకులను హైదరాబాదులోని గోషామహల్ పోలీసు స్టేడియానికి తరలించారు.  చంద్రబాబుతో పాటు 70 మంది శాసనసభ్యులు, ఎమ్మెల్సీలు అక్కడే నిరసన తెలియజేస్తున్నారు. మంగళవారం ఉదయం వరకు అక్కడే ఉండి నేరుగా శాసనసభకు వెళ్లాలని వారు నిర్ణయించు...

విజయవాడ,డిసెంబర్ 13 : చల్లపల్లి మండలం పాతమాజేరు గ్రామంలో మాజీ ఎంపి వైఎస్ జగన్మోహన రెడ్డిని మచిలీపట్నం శాసనసభ్యుడు పేర్ని నాని కలిశారు. జగన్ కు సంఘీభావం తెలిపేందుకు అధిక సంఖ్యలో నాని అనుచరులు కూడా ఈ గ్రామానికి వచ్చారు. కారులో కూర్చొని నాని కొద్దిసేపు జగన్ తో మాట్లాడారు. ఆ తరువాత ఆయన కూడా రైతులను పరామర్శించేందుకు జగన్ తోపాటు బయలుదేరారు. జగన్మోహన రెడ్డి పర్యటనలో పాల్గొనడంలో తప్పులేదని నాని అన్నారు. రైతులను పరామర్శించడానికి మాత్రమే జగన్ వచ్చారని ఆయన అన్నారు. ఈ యాత్రలో పాల్గొన వద్దని అధిష్టానం నుంచి తనపై వత్తిడి ఏమీలేదని చెప్పారు. కార్యకర్తల కోరిక మేరకే తాను ఇక్కడికి వచ్చానని, ఇందులో రాజకీయ ఎత్తుగడలు ఏమీలేవని స్పష్టం చేశారు. ఇలావుండగా, కాంగ్రెస్ పార్టీలో ఒకరిద్దరు మాజీ ఎంపి వైఎస్ జగన్మోహన రెడ్డి యాత్రలో పాల్గొంటే నష్టమేమీలేదని ముఖ్యమంత్రి ఎన్.కిరణ్ కుమార్ రెడ్డి అన్నారు. పార్టీ, ప్రభుత్వం వేరువేరు అని, దేని పని అది చేసుకుపోతుందని చెప్పారు.

న్యూఢిల్లీ,డిసెంబర్ 13 :  విజయవాడ ఎంపి లగడపాటి రాజగోపాల్ లోక్ సభలో మౌనపోరాటానికి దిగారు. రైతు సమస్యలపై మాట్లాడేందుకు స్పీకర్కు అవకాశం ఇవ్వకపోవడంతో   ఆయన నిరసన తెలుపుతూ లోక్ సభలో మౌనదీక్ష ప్రారంభించారు.ఈ విషయం తెలుసుకున్న పార్లమెంటు వ్యవహారాల మంత్రి పవన్ కుమార్ బన్సాల్-లగడపాటిని కలిసి నచ్చజెప్పారు. వచ్చే పార్లమెంటు సెషన్‌లో రైతాంగ సమస్యలపై చర్చించేందుకు అవకాశం కల్పిస్తామని బన్సాల్ హామీ ఇవ్వడంతో లగడపాటి దీక్ష విరమించారు. ఆ తర్వాత, లగడపాటి మీడియా తో మాట్లాడుతూ, పార్లమెంటుపై ఒక్కమారే దాడి జరిగిందని,  అయితే పార్లమెంటులో ప్రతీ రోజూ దాడి జరుగుతూనే ఉన్నదని వ్యాఖ్యానించారు. ప్రజా సమస్యలను ప్రస్తావించడానికి వీలులేకుండా సభ్యులు పరస్పర దాడికి దిగుతూ సభా సమయాన్ని వృథా చేస్తున్నారని ఆవేదన వ్యక్తం చేశారు. 

హైదరాబాద్,డిసెంబర్ 13 : అసెంబ్లీ మూడోరోజు కూడా విపక్షాల నిరసనలతో హోరెత్తింది. సోమవారం సభ ప్రారంభం అయినప్పటి నుంచి విద్యార్థులపై పెట్టిన కేసులు ఎత్తివేయాలంటూ విపక్షాలు తమ ఆందోళనను కొనసాగించాయి. కేసుల ఎత్తివేతపై హోంమంత్రి చేసిన ప్రకటనపై విపక్షాలు మండిపడ్డాయి. ఈ నేపథ్యంలో సభ మూడుసార్లు వాయిదా పడింది. వాయిదా అనంతరం సభ ప్రారంభం అయినా పరిస్థితిలో ఎలాంటి మార్పు రాకపోవటంతో డిప్యూటీ స్పీకర్ అసెంబ్లీని మంగళవారానికి వాయిదా వేశారు.హోంమంత్రి సబితా ఇంద్రారెడ్డి తన ప్రకటనలో,సంవత్సర కాలంలో మొత్తం 8047మందిపై 1667 కేసులు నమోదు అయినట్లు తెలిపారు. వారిలో 2436 మందిపై పెట్టిన 562 కేసులను ప్రభుత్వం ఎత్తివేసినట్లు తెలిపారు.నేరాల స్వభావాన్ని బట్టి కేసులను రెండు విభాగాలుగా విభజించినట్లు ఆమె పేర్కొన్నారు. సాధారణ కేసుల ఉపసంహరణకు ప్రభుత్వం నిర్ణయించినట్లు హోంమంత్రి చెప్పరు. రెండో విభాగంలో తీవ్రమైన కేసులు ఉన్నాయని, . 2500మందిపై 383 కేసులు న్యాయస్థానంలో విచారణలో ఉన్నాయని వివరించారు. 411మందిపై 112 కేసులను దర్యాప్తు సమయంలోనే ఉపసంహరించటం జరిగిందన్నారు. తీవ్రతను బట్టే కేసులు ఉపసంహరించాలని ప్రభుత్వం నిర్ణయించినట్లు సబితా...

ప్రముఖ చిత్ర నిర్మాణ సంస్థ ఆర్.ఆర్.మూవీ మేకర్స్ హీరో నాగార్జునతో సోషియో ఫాంటసి చిత్రాన్ని ప్లాన్ చేస్తోంది. వినోదాత్మక చిత్రాల దర్శకుడుగా పేరు తెచ్చుకున్న శ్రీనివాస రెడ్డి దీనికి దర్శకత్వం వహిస్తారు భారీ వ్యయంతో సెట్స్ ను కూడా ఈ చిత్రం కోసం డిజైన్ చేస్తున్నారు. నాగార్జున కెరీర్ లోనే భారీ బడ్జెట్ చిత్రంగా దీనిని నిర్మించడానికి నిర్మాత వెంకట్ సన్నాహాలు జరుపుతున్నారు. ఇందులో ఇద్దరు, ముగ్గురు హీరోయిన్లు నటించే అవకాశం ఉంది. ప్రస్తుతం దీనికి సంబంధించిన స్క్రిప్ట్ వర్క్ జరుగుతోంది. 'డమరుకం' అనే టైటిల్ని దీనికి రిజిస్టర్ చేసి ఉంచారు. నూతన సంవత్సరారంభంలో షూటింగ్ మొదలు కావచ్చు.

న్యూఢిల్లీ,డిసెంబర్ 12: ‘తెలంగాణ’పై కేంద్రప్రభుత్వం నియమించిన శ్రీకృష్ణ కమిటీ సభ్యులు ఈ నెల 16న హైదరాబాద్ రానున్నారు. ఐదుగురు సభ్యుల కమిటీ ఈ నెల 16న హైదరాబాద్ చేరుకుని, అన్ని రాజకీయ పార్టీల నాయకులతో సమావేశమవుతుంది. 4 నెలల పాటు రాష్టమ్రంతా పర్యటించి, ప్రత్యేక రాష్ట్ర డిమాండ్‌పై ప్రజాభిప్రాయాలు సేకరించిన కమిటీ, ఈ నెల 31న నివేదికను ప్రభుత్వానికి సమర్పిస్తుంది. ‘31న కమిటీ నివేదిక అందిస్తుంది.. సందేహంలేదు. ఆ డెడ్‌లైన్‌కు కట్టుబడి ఉన్నాం. నివేదిక రూపకల్పన ప్రక్రియ శీఘ్రగతిన కొనసాగుతోంది’ అని కమిటీ సీనియర్ సభ్యుడొకరు చెప్పారు. 16న పార్టీల నాయకులతో జరిపబోయే భేటీ కేవలం అనధికారిక సమావేశమేనని, అందరికి కృతజ్ఙతలు తెలిపే సమావేశమని, గత 10 నెలలుగా వివిధ రాజకీయ పార్టీల నేతలు అందించిన సహకారానికి వ్యక్తిగతంగా వారికి ధన్యవాదాలు తెలపాలనుకుంటున్నామని ఆయన తెలిపారు.

లండన్,డిసెంబర్ 12: బాలీవుడ్ భామ కత్రినా కైఫ్ ప్రపంచంలోనే సాటిలేని మేటి సొగసుగత్తెగా వరుసగా మూడోసారి ఎంపికైంది. సమకాలీన కథానాయికలు ఫ్రీదా పింటో, ప్రియాంకా చోప్రా తదితరులను వెనక్కు నెట్టేసి అగ్రస్థానంలో నిలిచింది. లండన్‌కు చెందిన ‘ఈస్టర్న్ ఐ’ పత్రిక విడుదల చేసిన ప్రపంచంలోని అత్యంత సొగసుగత్తెల జాబితాలో కత్రినా తనకు సాటిలేదని మరోసారి నిరూపించుకుంది. వరుసగా మూడోసారి ‘ఈస్టర్న్ ఐ’ జాబితాలో తాను అగ్రస్థానంలో నిలవడంపై కత్రినా హర్షం వ్యక్తం చేసింది. ఈ జాబితాలో ప్రియాంక చోప్రా రెండో స్థానంలో, బిపాసా బసు మూడో స్థానంలో నిలవగా, హాలీవుడ్‌కు ఎగబాకిన ఫ్రీదా పింటో నాలుగో స్థానానికే పరిమితమైంది. క త్రీనా తన నృత్యం ద్వారా అనేక మంది అభిమానుల గుండేల్లో చోటు సంపాదించిదని వెల్లడించింది. షిలా కి జవని, రాజనీతి, తీస్ మార్ ఖాన్ చిత్రాల సక్సెస్ ద్వారా ఆమె హ్యాట్రిక్ సాధించిందని ‘ఈస్టర్న్ ఐ’ పత్రిక  తె లిపింది.

చెన్నై,డిసెంబర్ 12: దక్షిణాది సూపర్‌స్టార్ రజనీకాంత్ ఆదివారం 61వ వసంతంలోకి అడుగుపెట్టారు. ఈ ఏడాది తాను నటించిన ‘రోబో’ యావత్ దేశాన్ని ఉర్రూతలూగించినా రజనీ మాత్రం తన పుట్టినరోజును నిరాడంబరంగా జరుపుకున్నారు. అయితే ఆయన అభిమానులు మాత్రం ఎప్పటిలాగే ఈ ఏడాది కూడా తమిళనాడు వ్యాప్తంగా రజనీ జన్మదినాన్ని కోలాహలంగా జరుపుకున్నారు. ఆలయాల్లో రజనీ పేరిట ప్రత్యేక పూజలు నిర్వహించారు. అన్నదానం, దుస్తుల పంపిణీ వంటి సేవా కార్యక్రమాలను చేపట్టారు. చెన్నైలో అభిమానులు వాడవాడలా రజనీ బ్యానర్లు, పోస్టర్లు ఏర్పాటు చేసి మిఠాయిలు పంచి పెట్టారు.బాణసంచా పేల్చుతూ సంబరాలు జరుపుకున్నారు. పుట్టినరోజున రజనీ చెన్నైలో లేరనే వార్త వారిని నిరాశకు గురిచేసింది. కాగా, రజనీకి పలువురు సినీ, రాజకీయ ప్రముఖులు ఫోన్లో జన్మదిన శుభాకాంక్షలు తెలియజేశారు. ముఖ్యమంత్రి కరుణానిధి, ఉప ముఖ్యమంత్రి స్టాలిన్ ఉదయాన్నే రజనీకాంత్‌కు ఫోన్ ద్వారా శుభాకాంక్షలు తెలిపారు. అలాగే రజనీకాంత్ జన్మదినాన్ని పురస్కరించుకుని ఒడిస్సీ అనే సంస్థ ‘రజనీ పంచతంత్ర’ పేరుతో ఓ పుస్తకాన్ని విడుదల చేసింది. ఈ పుస్తకాన్ని ప్రముఖ దర్శకుడు కె. బాలచందర్ ఆవిష్కరించగా, నటి రాధిక దా...

 న్యూఢిల్లీ,డిసెంబర్ 12: రాష్ట్ర మంత్రి వర్గంలో మార్పులు జరిగే అవకాశాలున్నాయి. ముఖ్య మంత్రి కిరణ్‌కుమార్‌ రెడ్డి శనివారంనాడిక్కడ అధిష్ఠానం పెద్దలతో ఈ అంశంపై  ప్రధానంగా  చర్చించినట్టు తెలుస్తోంది. పొన్నా లను పీసీసీ అధ్యక్షుడిగా నియమిస్తారని తెలుస్తోంది. డిప్యూటీ స్పీకర్‌ నాదెండ్ల మనోహర్‌ను మంత్రివర్గంలోకి   హోం శాఖను అప్పగించవచ్చని సమాచారం.   ఇప్పడు హోం మంత్రిగా ఉన్న సబితా ఇంద్రారెడ్డిని గతంలో ఆమె నిర్వహించిన గనుల శాఖకు మార్చవచ్చు. ఉప ముఖ్య మంత్రిగా  దామోదర రాజనర్శింహ పేరు దాదాపు ఖాయ మైందంటున్నారు.  గ్రామీణాభివృద్ధి శాఖను రెండుగా విభజిం చాలన్న ప్రతిపాదన వుంది. పంచాయితీరాజ్‌ని బొత్స సత్యనారాయణకు, గ్రామీణాభివృద్ధి శాఖను ధర్మాన ప్రసాదరావుకు కేటాయించవచ్చు. గల్లా అరుణకుమారి రోడ్లు, భవనాల శాఖకి రావచ్చునని తెలుస్తోంది.