సుత్తివేలు ఇకలేరు...

చెన్నై,సెప్టెంబర్ 16:  ప్రముఖ హాస్యనటుడు సుత్తివేలు (65) కన్నుమూశారు. ఇక్కడి తమ స్వగృహంలో ఆదివారం  తెల్లవారుజామున 3.30గంటలకు ఆయన గుండెపోటుతో మరణించారు. ఆయనకు ముగ్గురు కుమార్తెలు, ఒక కుమారుడు ఉన్నారు. 1947 ఆగస్టు 7న సుత్తివేలు జన్మించారు. ఆయన అసలు పేరు కురుమద్దాలి లక్ష్మీనరసింహారావు. 250కి పైగా చిత్రాలలో నటించిన సుత్తివేలు తొలి చిత్రం ముద్దమందారం. నాలుగుస్తంభాల ఆట సినిమాతో ఆయనకు మంచి గుర్తింపు లభించింది.   ఆ చిత్ర విజయం తరువాత అందరూ ఆయనన్య్  సుత్తివేలు అని పిలవడం ప్రారంభింఛారు. జంద్యాల సినిమాల ద్వారా ఆయన హాస్యనటుడుగా గుర్తింపు పొందారు. వందేమాతరం సినిమాకు ఆయనకు నంది అవార్డు లభించింది. ఆయన సినిమాలలోకి రాకముందు విశాఖ నావల్ డాక్ యార్డ్ లో పనిచేసేవారు.