చందమామ విశ్వరూపం ...

న్యూఢిల్లీ,మే 6:  చందమామ  ఆదివారం మరింత పెద్ద మామగా  భారత్‌తో సహా జగమంతా కొత్తవెలుగులు నింపాడు. ఆదివారం రాత్రి 9 గంటలు కాగానే.. ఈ ఏడాది అతిపెద్ద, అతి ప్రకాశంతోకూడిన సూపర్‌మూన్‌ను చూసి జనం  మురిసిపోయారు. సాధారణ పౌర్ణమి నాటి కంటే 14 రెట్లు పెద్దగా, 30 శాతం అధిక వెలుగులతో ఆకాశంలో వెన్నెలరేడు వికసించాడు. చంద్రుడు తన కక్ష్యలో భూమికి అతి సమీపంగా 3,57,000 కి.మీ. దూరానికి () రావడంతో ఈ అద్భుతం చోటుచేసుకుంది. ఇలా ఏడాదికోసారి మాత్రమే సూపర్‌మూన్ కనువిందు చేస్తుంది. భారత్ తో పాటు పారిస్, అమెరికా, ఇంగ్లాండ్, రష్యా, రియో డీ జెనిరియో, గ్రీస్ సహా పలు ప్రపంచదేశాల్లో కూడా శని, ఆదివారాల్లో చందమామ పెద్దగా, ప్రకాశంతో కనిపించి వీక్షకులకు కనువిందు చేశాడు. .. 
  (ఫొటో)   రియో డీ జెనిరియో లో ఆదివారం రాత్రి క్రీస్తు విగ్రహం వెనుక నుంచి దర్శన మిచ్చిన  సూపర్ మూన్...