థాయ్‌లాండ్‌లో బాంబు పేలుళ్లు; 14 మంది మృతి

హట్‌యాయి,ఏప్రిల్ 1:   దక్షిణ థాయ్‌లాండ్‌లో ముస్లిం చొరబాటుదారులు శనివారం జరిపిన బాంబు దాడుల్లో మృతి చెందిన వారి సంఖ్య 14కు చేరుకుంది. 340 మంది గాయపడ్డారు. యల నగరంలో రెస్టారెంట్లు, దుకాణాలతో కిటకిటలాడే ఓ ప్రాంతంలో బాంబులతో నింపిన ట్రక్కుతో ముష్కరులు ఈ ఘాతుకానికి పాల్పడ్డారు. 20 నిమిషాల తర్వాత ఘటనా స్థలం వద్ద ప్రజలు గుమిగూడినప్పుడు మరో కారు బాంబు పేలింది. ఈ విస్ఫోటనంతో ఎక్కువగా ప్రాణ నష్టం సంభవించింది. దక్షిణ ప్రావిన్స్ లోని నరాటివాత్, పటాని, యల ప్రాంతాల్లో 2004 నుంచి ఇప్పటివరకు ఐదు వేల మందికి పైగా అమాయకులను ముస్లిం చొరబాటుదారులు బలితీసుకున్నారు.