తెలుగుదేశం పార్టీకి మద్దతివ్వం: రాఘవులు

హైదరాబాద్, ఫిబ్రవరి 29: తెలుగుదేశం పార్టీకి సిపిఎం రాష్ట్ర కార్యదర్శి బివి రాఘవులు షాక్ ఇచ్చారు. ఉప ఎన్నికల్లో తెలుగుదేశం పార్టీకి మద్దతివ్వలేమని ఆయన స్పష్టం చేశారు. మద్దతు ఇవ్వాలని కోరుతూ తెలుగుదేశం నాయకులు టి. దేవేందర్ గౌడ్, వర్ల రామయ్య రాఘవులును కోరారు. రాష్ట్రంలోని ఏడు స్థానాలకు జరుగుతున్న ఉప ఎన్నికల్లో నాలుగు స్థానాల్లో తాము పోటీ చేస్తామని, ఉద్యమాలు చేసిన చోటల్లా తాము పోటీలో ఉంటామని రాఘవులు తెలుగుదేశం నాయకులకు చెప్పారు. మిగతా చోట్ల ఎవరికి మద్దతివ్వాలనే విషయంపై ఇంకా నిర్ణయం తీసుకోలేదని, అయితే వామపక్షాలు పోటీ చేస్తే ఆ పార్టీలకు మద్దతిస్తామని ఆయన చెప్పారు.