ఇఫీ-2011 కు ‘విరోధి’

న్యూఢిల్లీ,అక్టోబర్ 19:   ఈ ఏడాది గోవాలో నిర్వహించనున్న 42వ భారత అంతర్జాతీయ చలన చిత్రోత్సవం (ఇఫీ-2011) లోని ప్రతిష్టాత్మక ‘ఇండియన్ పనోరమ’ విభాగంలో ప్రదర్శనకు తెలుగు చిత్రం ‘విరోధి’ ఎంపికైంది. ఈ విభాగంలో మొత్తం 24 చిత్రాలను ప్రదర్శించనుండగా అందులో తెలుగు భాష నుంచి ఇదొక్కటే ఉండటం విశేషం. శ్రీకాంత్ పాత్రికేయుడిగా నటించిన ఈ చిత్రానికి నీలకంఠ దర్శకత్వం వహించారు. ప్రముఖ దర్శకురాలు సాయి పరాంజపే సారథ్యంలోని న్యాయనిర్ణేతల బృందం మొత్తం 118 ఎంట్రీలను పరిశీలించి వాటిలోంచి భిన్న భాషలకు చెందిన 23 చిత్రాలను ప్రదర్శనకు ఎంపిక చేసింది.