ఒబామా బస్సు యాత్ర

వాషింగ్టన్అగస్ట్ 18:    అమెరికా అధ్యక్షుడు బరాక్ ఒబామా నిరుద్యోగం సహా వివిధ ఆర్థిక అంశాలపై విస్తృత ప్రజాబాహుళ్యానికి తన సందేశాన్ని వినిపించడానికి బస్సు యాత్రను ప్రారంభించారు. కీలకమైన మిన్నెసోట, లోవా, ఇల్లినాయిస్‌లలో ఈ బస్సుయాత్ర సాగుతోంది. 2012లో జరుగనున్న అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థిని దీటుగా ఎదుర్కొనేందుకు ఒబామా అప్పుడే రంగంలోకి దిగినట్లు ఈ బస్సుయాత్రను బట్టి అర్థమవుతోంది. ప్రతినిధుల సభలో ఆధిక్యంలో ఉన్న రిపబ్లికన్ పార్టీపై  తన బస్సుయాత్రలో ఒబామా విరుచుకుపడ్డారు. ఆర్థిక సంస్కరణలను, దేశాభివృద్ధిని అడ్డుకుంటున్నారని విమర్శించారు.