హైదరాబాద్ గచ్చిబౌలిలో అమెరికా కాన్సులేట్‌కు12 ఎకరాలు

హైదరాబాద్,జులై 23:  హైదరాబాద్ లో అమెరికా కాన్సులేట్ శాశ్వత కార్యాలయం ఏర్పాటు చేయడానికి ప్రభుత్వం గచ్చిబౌలిలో 12 ఎకరాలను లీజుకిచ్చింది. ఈ మేరకు రాష్ట్ర సర్కారుతో అమెరికా ప్రభుత్వం ఒప్పందం కుదుర్చుకుంది. వై.ఎస్. రాజశేఖరరెడ్డి ముఖ్యమంత్రి గా ఉన్నప్పుడు ఈ స్థల కేటాయింపు జరిగింది. తాజాగా శుక్రవారం ఈ స్థలాన్ని లీజుకిచ్చేందుకు సచివాలయంలో ఒప్పందం జరిగింది. ప్రభుత్వ ప్రధాన కార్యదర్శి ఎస్.వి. ప్రసాద్ సమక్షంలో అమెరికా కాన్సులర్ జనరల్ కేథరిన్ ధనాని, ఆంధ్రప్రదేశ్ పారిశ్రామిక మౌలిక వసతుల సంస్థ (ఏపీఐఐసీ) డెరైక్టర్ బి.ఆర్. మీనా, సాధారణ పరిపానల శాఖ (పొలిటికల్) ముఖ్య కార్యదర్శి ఆర్.ఎం. గోనెల ఒప్పంద పత్రాలపై సంతకాలు చేశారు. ప్రస్తుతం బేగంపేటలోని పైగా ప్యాలెస్‌లో అమెరికా కాన్సులేట్ కార్యాలయం కొనసాగుతోంది. గచ్చిబౌలిలో నిర్మించనున్న కార్యాలయం దేశంలోనే అతిపెద్దదిగా అవతరించనుంది.