బూడిద మేఘాల వల్ల ఆస్ట్రేలియా విమాన సర్వీసులకు అంతరాయం

సిడ్నీ,జూన్ 14:  చిలీ అగ్నిపర్వతం నుంచి వెలువడుతున్న దట్టమైన బూడిద మేఘాల వల్ల ఆస్ట్రేలియా విమాన సర్వీసులకు తీవ్ర అంతరాయం ఏర్పడింది. 110 జాతీయ, అంతర్జాతీయ విమాన సర్వీసులు ఎక్కడికక్కడే నిలిచిపోయాయి. దీంతో సుమారు 20 వేల మంది ప్రయాణికులు ఆస్ట్రేలియాలో చిక్కుకుపోయి, తీవ్ర ఇబ్బందులు పడుతున్నారు. ప్రచండ గాలుల ప్రభావం వల్ల బూడిద మేఘాలు పలు దేశాలకు విస్తరించాయి. దీంతో విమాన సర్వీసుల్ని నిలిపివేసినట్లు ఆస్ట్రేలియా ప్రకటించింది. న్యూజిలాండ్, టాస్మానియా, బ్యూనస్ ఎయిర్స్, లాస్‌ఏంజెలిస్‌కు వెళ్లే విమాన సర్వీసుల్ని రద్దుచేశారు.