జకార్తా: ఇండోనేషియా ఓపెన్ బ్యాడ్మింటన్ టోర్నీ టైటిల్ నిలబెట్టుకోవడంలో సైనా నెహ్వాల్ విఫలమైంది. చైనా క్రీడాకారిణి యిహాన్‌వాంగ్ చేతిలో సైనా 21-12, 21-23, 14-21 తేడాతో పరాజయం పాలయ్యింది. ఇంతకుముందు 2009, 2010 సంవత్సరాలలో సైనా నెహ్వాల్ ఇండోనేషియా ఓపెన్‌ను గెలుచుకుంది. గత ఏడాది సైనా ఇండోనేషియా ఓపెన్‌తో పాటు సింగపూర్ సిరీస్, ఇండియన్ ఓపెన్ గ్రాండ్ ప్రిక్స్ గోల్డ్ కూడా గెలుచుకుంది. ఆ తర్వాత కామన్వెల్తు, హాంగాకాంగ్ సూపర్ సిరీస్ కూడా గెల్చుకుంది. అయితే ఈ సంవత్సరం మాత్రం స్విస్ ఓపెన్ గ్రాండ్ ప్రిక్స్ మాత్రమే గెల్చుకున్న సైనా మలేషియా సూపర్ సిరీస్‌లో రన్నరప్‌గా నిలిచింది. తాజాగా ఇండోనేషియా సిరీస్‌లో కూడా రన్నరప్‌గా నిలిచింది.
No comments:
Post a Comment