అల్‌ఖైదా కొత్త నేత సైఫ్ అల్ ఆడెల్...?

వాషింగ్టన్,మే 19: ఒసామా బిన్ లాడెన్ మృతితో అంతర్జాతీయ ఉగ్రవాద సంస్థ అల్‌ఖైదా తాత్కాలిక అధినేతగా ఈజిప్టు ప్రత్యేక దళాల మాజీ అధికారి సైఫ్ అల్ ఆడెల్ బాధ్యతలు నిర్వహించడానికి నిర్ణయం జరిగినట్లు సిఎన్‌ఎన్ పేర్కొంది. అల్‌ఖైదాలో ఉన్నత స్థాయి వ్యూహకర్త, సీనియర్ మిలిటరీ నాయకుడైన సైఫ్ అల్ ఆడెల్ అల్‌ఖైదా తాత్కాలిక చీఫ్‌గా వ్యవహరించడానికి నిర్ణయమైనట్లు మాజీ లిబియా మిలిటెంట్ నోమన్ బెనోట్‌మన్‌ను ఉటంకిస్తూ సిఎన్‌ఎన్ పేర్కొంది. పాకిస్తాన్‌కు చెందిన ‘ద న్యూస్’ వార్తాపత్రిక విశ్వసనీయ వర్గాలను ఉటంకిస్తూ ఆడెల్ అల్‌ఖైదా చీఫ్‌గా నియమితుడైనట్లు ధ్రువీకరించింది. అల్‌ఖైదాలో లాడెన్ తర్వాత స్థానంలో డిప్యూటీగా ఉంటూ వచ్చిన అల్‌జవహరీ కూడా ఆడెల్‌ను తాత్కాలిక చీఫ్‌గా అంగీకరించినట్లు సిఎన్‌ఎన్ తెలిపింది.