సెకండ్ ఇంటర్ లో 63.27 శాతం ఉత్తీర్ణత

హైదరాబాద్ , ఏప్రిల్ 28 : ఇంటర్ ద్వితీయ సంవత్సరం పరీక్షల్లో 63.27 శాతం మంది విద్యార్థులు ఉత్తీర్ణత సాధించారు. మొత్తం మీద గత ఏడాది కంటే స్వల్పంగా ఉత్తీర్ణత శాతం పెరిగింది.  ఈ ఏడాది కూడా బాలురపై బాలికలే పైచేయి సాధించారు. ఈ ఏడాది బాలికలు 66.39 శాతం ఉత్తీర్ణత సాధించగా, 60.61 శాతం బాలురు ఉత్తీర్ణులయ్యారు. కృష్ణా జిల్లా 76 శాతం ఉత్తీర్ణతతో ప్రథమ స్థానం సాధించగా, 46 శాతంతో నల్గొండ చివరి స్థానంలో నిలిచింది. ప్రభుత్వ కళాశాలల్లో ఉత్తీర్ణతా శాతం పెరిగింది.