అసీస్ దూకుడు కు పాక్ పగ్గాలు

కొలంబో,మార్చి 19 : ప్రపంచకప్‌లో ఆస్ట్రేలియా అప్రతిహత విజయాలకు పాకిస్తాన్  అడ్డుకట్ట వేసింది. 34 మ్యాచ్‌ల్లో వరుస విజయాలు సాధించిన ఆసీస్ అజేయ యాత్రకు పాక్ బ్రేక్ వేసింది. శనివారమిక్కడ జరిగిన లీగ్ మ్యాచ్ లో ఆస్ట్రేలియాను పాక్ నాలుగు వికెట్ల తేడాతో ఓడించింది.  ఆసీస్ నిర్దేశించిన 177 పరుగుల లక్ష్యాన్ని పాక్ 41 ఓవర్లలో ఆరు వికెట్లు కోల్పోయి ఛేదించింది. ఈ విజయంతో గ్రూప్-ఎలో పాకిస్థాన్ అగ్రస్థానంలోకి దూసుకెళ్లింది. ఉమర్ అక్మల్‌కు ‘మ్యాన్ ఆఫ్ ద మ్యాచ్’ అవార్డు దక్కింది. టాస్ గెలిచి ముందుగా బ్యాటింగ్ చేసిన ఆస్ట్రేలియా 46.4 ఓవర్లో 176 పరుగులకు ఆలౌటయింది.  ప్రపంచకప్‌లో పుష్కరం తర్వాత ఆసీస్ ఓటమి చవిచూసింది. 1999లో జరిగిన వరల్డ్ల్డ్ కప్‌లో పాకిస్థాన్ చేతిలోనే ఆసీస్‌కు భంగపాటు ఎదురుయింది. అయితే 1999 నుంచి 2007 వరకు వరుసగా మూడుసార్లు ఆస్ట్రేలియా ప్రపంచకప్‌ను గెలిచింది.
బంగ్లా పై దక్షిణాఫ్రికా ఘనవిజయం
ఢాకా: గ్రూప్-బి 39వ మ్యాచ్'లో బంగ్లాదేశ్'పై దక్షిణాఫ్రికా ఘనవిజయం సాధించింది.   తొలుత బ్యాటింగ్ చేసిన దక్షిణాఫ్రికా నిర్ణీత 50 ఓవర్లకు 8 వికెట్లు నష్టపోయి 284 పరుగులు చేసింది. ఆ తరువాత 285 పరుగుల లక్ష్యంతో బ్యాటింగ్ ప్రారంభించిన బంగ్లాదేశ్ కేవలం 28 ఓవర్లకే 78 పరుగులు చేసి ఆలౌట్ అయింది. గ్రూప్-బిలో దక్షిణాఫ్రికా మొదటి స్థానంలో నిలిచింది.