|
ఉత్తమ నటుడిగా షారుఖ్, ఉత్తమ నటిగా కాజోల్ |
|
‘దబంగ్’ లో సల్మాన్ ఖాన్ |
ముంబై:,జనవరి 30: సల్మాన్ ఖాన్ నటించిన ‘దబంగ్’ ఉత్తమ చిత్రంగా ఫిలింఫేర్ అవార్డు సాధించింది. ‘మై నేమ్ ఈజ్ ఖాన్ చిత్రానికి దర్శకత్వం వహించిన కరణ్ జోహార్ ఉత్తమ దర్శకుడి అవార్డు సాధించారు. షారుఖ్ ఖాన్ ఉత్తమ నటుడిగా, కాజోల్ ఉత్తమ నటిగా అవార్డులు అందుకున్నారు. 56వ ఫిలింఫేర్ అవార్డుల ప్రదానోత్సవం శనివారం రాత్రి ఇక్కడ జరిగింది. '‘వియార్ ఫ్యామిలీ' ’ చిత్రంలో నటనకు కరీనా కపూర్ ఉత్తమ సహాయ నటి అవార్డు అందుకుంది. ఆమె బాబాయి రిషి కపూర్ ‘దో దూనీ చార్’లో నటనకు ఉత్తమ నటుడిగా విమర్శకుల అవార్డు అందుకున్నారు. ‘ఉదాన్’లో నటనకు రోనిత్ రాయ్ ఉత్తమ సహాయ నటుడి అవార్డు అందుకున్నారు. ‘ఇష్కియా’లో నటనకు విద్యా బాలన్ ఉత్తమ నటిగా విమర్శకుల అవార్డు పొందారు. ‘దబంగ్’ సంగీత దర్శకుడు సాజిద్ వాజిద్కు ఉత్తమ సంగీత దర్శకుని అవార్డు, ‘తీస్ మార్ ఖాన్’లోని ‘షీలా కీ జవాన్’ పాటకు నృత్యం సమకూర్చిన ఫరా ఖాన్కు ఉత్తమ నృత్యదర్శకురాలి అవార్డు లభించాయి.‘ఉదాన్’ చిత్రానికి సంగీతం సమకూర్చిన అమిత్ త్రివేదీకి ఉత్తమ నేపథ్య సంగీత విభాగంలో అవార్డు దక్కింది. సీనియర్ గేయరచయిత గుల్జార్కు ‘ఇష్కియా’లోని ‘ఇబ్న్ ఏ బటూటా’ పాటకు ఉత్తమ గీతరచయితగా అవార్డు లభించింది. ఉత్తమ నూతన నటిగా ‘దబంగ్’లో నటించిన సోనాక్షీ సిన్హా, ఉత్తమ నూతన నటుడుగా ‘బ్యాంగ్ బాజా బారాత్’లో నటనకు రణ్వీర్ సింగ్ ఎంపికయ్యారు. ఫిలింఫేర్ ప్రత్యేక అవార్డును అందుకునేందుకు ‘బిగ్ బీ’ అమితాబ్ బచ్చన్ మధ్యప్రదేశ్ నుంచి ముంబై వచ్చారు. ఆయన నటిస్తున్న ‘ఆరక్షణ్’ చిత్రం షూటింగ్ ప్రస్తుతం భోపాల్లో కొనసాగుతోంది. సీనియర్ నటి మాధురీ దీక్షిత్కు కూడా ప్రత్యేక అవార్డు దక్కింది. ‘దాదా ఫాల్కే’ అవార్డు గ్రహీత, సీనియర్ గాయకుడు మన్నాడేకు జీవితకాల సాఫల్య సత్కారం లభించింది.
No comments:
Post a Comment