సానియా కు ఐటీఎఫ్ టైటిల్

న్యూఢిల్లీ,డిసెంబర్ 18:  భారత టెన్నిస్ స్టార్ సానియా మీర్జా దుబాయ్‌లో జరిగిన ఐటీఎఫ్ అల్ హబ్టూర్ చాలెంజ్ ట్రోఫీని సాధించింది. శనివారం జరిగిన ఫైనల్లో హైదరాబాదీ స్టార్ 2-1 సెట్లతో ఐదో సీడ్ జొవనొస్కీ (సెర్బియా)ని ఓడించింది.  డబ్ల్యూటీఏ ర్యాంకింగ్స్‌లో 165వ ర్యాంకులో ఉన్న సానియా 4-6, 6-3, 6-0తో తనకన్నా మెరుగైన ర్యాంకింగ్ క్రీడాకారిణిని ఓడించింది. సింగిల్స్‌లో టైటిల్ చేజిక్కించుకున్న సానియా డబుల్స్ లో  రన్నరప్‌తో సరిపెట్టుకుంది. చెక్ రిపబ్లిక్‌కు చెందిన వ్లాదిమిర ఉహ్లిరొవాతో జతకట్టిన భారత స్టార్ ఫైనల్లో 4-6, 6-7 (5/7)తో జూలియా జార్జెస్ (జర్మనీ)-పెట్రా మాట్రిక్ (క్రొయేషియా) జంట చేతిలో ఓటమి చవిచూసింది.