వెయిట్ లాస్ 'షో' లో 100,000 డాలర్లు గెలుచుకున్న ఎన్నారై

కౌలాలంపూర్,డిసెంబర్ 15: వెయిట్ లాస్ (బరువు తగ్గటం) రియాల్టీ టీవీ సీరిస్ నిర్వహించిన పోటీలో ‘ది బిగ్గెస్ట్ లాసర్ ఆసియా 2’ అవార్డును కౌలాలంపుర్‌లో నివసిస్తున్న భారతీయడు వివేకానందం దేవరాజ్ (24) గెలుచుకున్నట్లు అక్కడి ఒక వార్తా సంస్థ తెలిపింది. దేవరాజ్ దేహబరువు 144 కిలోలు అయితే ఆరు నెలల కాలంలో సగానికి సగం బరువు అంటే 67 కిలోలు తగ్గినట్లు తెలిపింది. ఈ అవార్డు కింద రూ.100,000 డాలర్లు బహుమతిని అందజేసినట్లు అ వార్త సంస్థ పేర్కొంది. మలేషియాలోని ఐఒఐ రిసొర్ట్ సిటీలో ఈ పోటీలు దాదాపు 13 వారాల పాటు జరిగాయి. మలేషియా, హాంకాంగ్, ఇండోనేసియా, సింగపూర్, థాయ్‌లాండ్, ఫిలిప్పైన్స్ నుంచి 16 మంది ఈ పోటీల్లో పాల్గొన్నారు.