సిలికాన్ వ్యాలీలో సత్యదేవుని వ్రతాలు

శాన్ ఫ్రాన్సిస్కో,అక్టోబర్ 30: అమెరికాలో సిలికాన్ వ్యాలీగా ప్రసిద్ధి చెందిన శాన్‌ఫ్రాన్సిస్కో, కాలిఫోర్నియా రాష్ట్రాల్లో సత్యదేవుని వ్రతాలు ఘనంగా ప్రారంభమయ్యాయి. భారత కాలమాన ప్రకారం శనివారం ఉదయం ఏడు గంటలకు(అమెరికాలో శుక్రవారం సాయంత్రం 6.30కు) సాన్‌జోస్ సమీపంలోని మిల్పిటాస్‌లోని సత్యనారాయణస్వామి ఆలయంలో వ్రతాలు ప్రారంభించారు. సత్యదేవుడు, అమ్మవార్ల విగ్రహాలతో సత్యనారాయణ స్వామి ఆలయానికి చేరుకున్న అన్నవరం బృందానికి ఆలయ ప్రధానార్చకుడు మారేపల్లి నాగవెంకటశాస్ర్తి ఆధ్వర్యంలో అక్కడ పండితులు ఘనంగా స్వాగతం పలికారు. అనంతరం ఆలయ ప్రాంగణంలోని మండపంలో స్వామి,అమ్మవార్లను ఉంచి అన్నవరం బృందం ప్రత్యేకపూజలు నిర్వహించారు. తర్వాత స్వామివారి వ్రతాలు ప్రారంభమయ్యాయి.